Fréttir

Ársuppgjör Festu lífeyrissjóðs 2018

28.03.2019

Stjórn Festu lífeyrissjóðs hefur samþykkt ársreikning sjóðsins fyrir árið 2018. Til upplýsinga fyrir sjóðfélaga verða hér birtar helstu niðurstöðutölur ársreikningsins. Ársreikningurinn mun verða birtur í heild sinni á heimasíðu sjóðsins að loknum ársfundi hans sem haldinn verður þriðjudaginn 14. maí nk.

Sjóðfélagar sem greiddu iðgjöld á árinu 2018 voru samtals 19.448. Fjöldi sjóðfélaga með réttindi í árslok 2018 var 96.219. Launagreiðendur voru 2.354.

Iðgjöld til sjóðsins námu tæplega 11,1 milljarði króna og hækkuðu um 24,6% frá árinu 2017.

Lífeyrisgreiðslur á árinu námu rúmlega 3,8 milljörðum króna og hækkuðu um 8,4% frá fyrra ári. Heildarfjöldi lífeyrisþega var 9.641.

Heildareignir sjóðsins í árslok 2018 voru samtals tæplega 148,9 milljarðar króna, hækkuðu um 10,4% frá fyrra ári eða um 15,5 milljarða króna. Eign samtryggingardeildar var 148,4 milljarðar króna og séreignardeildar 0,5 milljarðar króna.

 

Hrein nafnávöxtun samtryggingardeildar sjóðsins var 6,1%, hrein raunávöxtun var 2,7%.

 

Hrein eign séreignardeilda í árslok 2018 var 507 milljónir króna og hafði hækkað um 109 milljónir króna frá fyrra ári. Hrein nafnávöxtun sparnaðarleiðar 1, var 0,9%, hrein  raunávöxtun var -2,3%. Hrein raunávöxtun sparnaðarleiðar 2, var 2,9%, hrein raunávöxtun var -0,4%

Tryggingafræðileg staða samtryggingardeildar var þannig að eignir sjóðsins voru 1,3% lægri en skuldbindingar í árslok 2018. Í árslok 2017 var staðan neikvæð um 0,3% og hefur því versnað lítillega á milli ára.

Ársfundur sjóðsins verður haldinn á Grand Hótel Reykjavík þriðjudaginn 14. maí kl. 18.00. Dagskrá fundarins verður auglýst á heimasíðu sjóðsins og í dagblöðum.