Fréttir

Niðurstaða ársfundar 2019

15.05.2019

Ársfundur Festu lífeyrissjóðs var haldinn 14. maí sl. á Grand Hótel Reykjavík. Á fundinum var m.a. kynnt ársskýrsla sjóðsins sem og ársreikningur fyrir árið 2018. Þar kom m.a. fram að sjóðfélagar sem greiddu iðgjöld á árinu voru samtals 19.448. Iðgjöld til sjóðsins námu tæplega 11,1 milljarði króna og hækkuðu um 24,6% frá árinu 2017. Lífeyrisgreiðslur á árinu námu tæplega 3,8 milljörðum króna og hækkuðu um 8,4% frá fyrra ári. Heildarfjöldi lífeyrisþega var 9.641.
 
Heildareignir sjóðsins í árslok 2018 voru samtals tæplega 149 milljarðar króna, hækkuðu um 11,6% frá fyrra ári eða um 15,5  milljarða króna. Eign samtryggingardeildar var 148,4 milljarður og séreignardeildar 0,5 milljarðar króna. Hrein nafnávöxtun samtryggingardeildar sjóðsins var 6,1%, hrein raunávöxtun var rúmlega 2,7%. Hrein nafnávöxtun séreignardeildar sjóðsins, sparnaðarleiðar 1 sem hóf starfsemi í apríl 2018, var 0,9%, hrein raunávöxtun var -2,3%. Hrein nafnávöxtun séreignardeildar sjóðsins, sparnaðarleiðar 2, var 2,9%, hrein raunávöxtun var -0,4%. Tryggingafræðileg staða var þannig að eignir sjóðsins voru 1,3% lægri en skuldbindingar í árslok 2018. Fyrir þá sem vilja kynna sér nánar niðurstöðu úr rekstri sjóðsins á árinu 2018 má finna ársreikning hans í heild sinni hér á heimasíðunni.
 
Á fundinum voru lagðar fram tillögur að breytingum á samþykktum sjóðsins og voru þær samþykktar. Hægt er að kynna sér breytingarnar á samþykktum sjóðsins hér.
 
HÉR má sjá glærur frá ársfundinum.
HÉR má sjá ársskýrslu 2018
 
Stjórnarkjör
Ný stjórn var kosin á fundinum og er hún þannig skipuð:
 
Fulltrúar aðildarsamtaka launamanna:
Anna Á. Halldórsdóttir – aðalmaður
Halldóra Sigr. Sveinsdóttir - aðalmaður
Ólafur S. Magnússon - aðalmaður
Eyrún Jana Sigurðardóttir - varamaður
 
Fulltrúar samtaka atvinnulífsins:
Dagbjört Hannesdóttir - aðalmaður
Sigurður Ólafsson - aðalmaður
Örvar Ólafsson - aðalmaður
Einar Steinþórsson - varamaður
 
Á fyrsta fundi nýrrar stjórnar sem haldinn var í kjölfar ársfundar, skipti stjórn þannig með sér verkum að Örvar Ólafsson, fulltrúi samtaka atvinnulífsins, var kosinn formaður og Halldóra Sigr. Sveinsdóttir, fulltrúi aðildarsamtaka launamanna, var kosinn varaformaður.
 
PricewaterhouseCoopers ehf. endurskoðandi sjóðsins
Samþykkt var tillaga stjórnar um að endurskoðunarskrifstofa  PricewaterhouseCoopers ehf. yrði endurskoðandi sjóðsins fyrir árið 2019.