Af hverju að greiða í séreignarsparnað?

Séreignarsparnaður er bein launahækkun þar sem launagreiðanda ber að greiða kjarasamningsbundið mótframlag til viðbótar við framlag launamanns í séreignarsjóð.

Vegna ákvæða laga um frestun skattlagningar er heimilt að greiða allt að 4% af heildarlaunum sem iðgjald í séreignarsjóð til viðbótar við skyldubundið 4% iðgjald í lífeyrissjóð.

Kostir séreignarsparnaðar eru ótvíræðir:

• Skattalegt hagræði myndast þar sem iðgjald er ekki skattlagt við innborgun.
• Fjármagnstekjuskattur er ekki greiddur.
• Ráðstöfun séreignar inn á lán eða til íbúðakaupa.
• Séreign skerðir hvorki barna- né vaxtabætur.
• Sparnaðurinn er séreign sem erfist.
• Úttekt getur hafist við 60 ára aldur.
• Þægilegt sparnaðarform þar sem launagreiðandi sér um að greiða sparnaðinn til séreignarsjóðs.
• Meira ráðstöfunarfé á eftirlaunaárum.

Mótframlag launagreiðanda, ásamt skattfrestun við innborgun gerir það að verkum að séreignarsparnaður er mjög góður kostur.