Fréttir

Niðurstaða ársfundar 2021

28.05.2021

Ársfundur Festu lífeyrissjóðs var haldinn 26. maí sl. á Grand Hótel Reykjavík. Á fundinum var m.a. kynnt ársskýrsla sjóðsins sem og ársreikningur fyrir árið 2020. Þar kom m.a. fram að sjóðfélagar sem greiddu iðgjöld á árinu voru samtals 17.653. Iðgjöld til sjóðsins námu tæplega 11,5 milljörðum króna og lækkuðu um 3,0% frá árinu 2019. Lífeyrisgreiðslur á árinu námu rúmlega 4,7 milljörðum króna og hækkuðu um 10,8% frá fyrra ári. Heildarfjöldi lífeyrisþega var 10.658.

Heildareignir sjóðsins í árslok 2020 voru samtals tæplega 206,6 milljarðar króna, hækkuðu um 17% frá fyrra ári eða tæplega 30  milljarða króna. Eign samtryggingardeildar var 205,7 milljarðar og séreignardeildar 0,9 milljarðar króna. Hrein nafnávöxtun samtryggingardeildar sjóðsins var 12,9%, hrein raunávöxtun var rúmlega 9,1%. Hrein nafnávöxtun séreignardeildar sjóðsins, sparnaðarleiðar 1 var 4,6%, hrein raunávöxtun var 1,1%. Hrein nafnávöxtun séreignardeildar sjóðsins, sparnaðarleiðar 2, var 13,1%, hrein raunávöxtun var 9,3%. Tryggingafræðileg staða var þannig að eignir sjóðsins voru 1,5% hærri en skuldbindingar í árslok 2020. Fyrir þá sem vilja kynna sér nánar niðurstöðu úr rekstri sjóðsins á árinu 2020 má finna ársreikning hans í heild sinni hér á heimasíðunni.

Á fundinum voru lagðar fram tillögur að breytingum á samþykktum sjóðsins og voru þær samþykktar. Hægt er að kynna sér breytingarnar á samþykktum sjóðsins hér.

HÉR  má sjá ársskýrslu 2020

Stjórnarkjör

Ný stjórn var kosin á fundinum og er hún þannig skipuð:

Fulltrúar aðildarsamtaka launamanna:

  • Anna Á. Halldórsdóttir – aðalmaður
  • Þór Hreinsson - aðalmaður
  • Eyrún Jana Sigurðardóttir - aðalmaður
  • Silja Eyrún Steingrímsdóttir - varamaður

Fulltrúar samtaka atvinnulífsins:

  • Sigurður Ólafsson - aðalmaður
  • Kristín Magnúsdóttir - aðalmaður
  • Örvar Ólafsson - aðalmaður
  • Einar Steinþórsson - varamaður

Á fyrsta fundi nýrrar stjórnar sem haldinn var í kjölfar ársfundar, skipti stjórn þannig með sér verkum að Sigurður Ólafsson, fulltrúi samtaka atvinnulífsins, var kosinn formaður og Anna Halldórsdóttir, fulltrúi aðildarsamtaka launamanna, var kosinn varaformaður.

PricewaterhouseCoopers ehf. endurskoðandi sjóðsins

Samþykkt var tillaga stjórnar um að endurskoðunarskrifstofa  PricewaterhouseCoopers ehf. yrði endurskoðandi sjóðsins fyrir árið 2021.