Lánveitingar til sjóðfélaga

Festa lífeyrissjóður veitir sjóðfélögum fasteignaveðlán. Umsækjandi þarf að vera sjóðfélagi í Festu lífeyrissjóð og hafa greitt til sjóðsins  6 mánuði á síðustu 12 mánuðum til að eiga lánsrétt. 

Áhvílandi uppreiknaðar veðskuldir, að viðbættu láni sjóðsins, mega við lánveitingu ekki vera umfram 70% af fasteignamati eða söluverði fasteignar samkvæmt nýjum kaupsamningi (ekki eldri en þriggja mánaða frá því lánsumsókn berst sjóðnum). Heildarveðsetning getur þó aldrei verið umfram 85% af brunabótamati þeirrar eignar sem veðsetja á. Lánin eru verðtryggð og miða við vísitölu neysluverðs. Lánareglur sjóðsins eru kynntar á vefsíðunni og einnig er hægt að reikna út kostnað og afborganir lána í lánareiknivél.

Vakin er athygli á að samkvæmt reglugerð Seðlabanka Íslands nr. 216/2024 um hámark greiðslubyrðar fasteignalána í hlutfalli við tekjur neytenda skal greiðslubyrði fasteignalána að hámarki vera 35% af mánaðarlegum ráðstöfunartekjum neytenda þegar fasteignalán eru veitt. Sjá nánari umfjöllun í lánareglum sjóðsins undir grein 3.3.