Hvað er séreignarsparnaður?

Sjóðfélögum Festu lífeyrissjóðs býðst að gera samning um viðbótarlífeyrissparnað en einnig býðst þeim að greiða fjórðung skylduiðgjalds í tilgreinda séreign. 

Með viðbótarlífeyrissparnaði leggur launþegi til hliðar 2 – 4% af launum í hverjum mánuði og fær 2% mótframlag frá vinnuveitanda. Viðbótarlífeyrissparnaður er bein launahækkun þar sem launagreiðanda ber að greiða kjarasamningsbundið mótframlag til viðbótar við framlag launamanns í séreignarsjóð.

Tilgreind séreign er sérstök tegund séreignarsparnaðar þar sem sjóðfélagi getur valið að ráðstafa tæpum fjórðungi af skylduiðgjaldi í tilgreinda séreign. Hún hentar að jafnaði betur þeim sem eru á seinni hluta starfsævinnar eða hafa áunnið sér góð réttindi til ævilangs ellilífeyris. Kostirnir við tilgreinda séreign eru að sjóðfélagi eykur möguleika sína á sveigjanlegum starfslokum.