Sjóðfélagayfirlit

Sjóðfélagayfirlit hafa verið birt öllum sjóðfélögum bæði inná sjóðfélagvefnum hjá Festa.is og einnig inn á Island.is. Birtast þau rafrænt 2 sinnum á ári. 

Við hvetjum sjóðfélaga til að bera saman iðgjaldagreiðslur á sjóðfélagayfirliti við greidd iðgjöld samkvæmt launaseðlum. Til þess að iðgjöld launþega njóti ábyrgðar Ábyrgðarsjóðs launa við gjaldþrot skulu launþegar, innan 60 daga frá dagsetningu yfirlitsins, ganga úr skugga um skil vinnuveitenda til lífeyrissjóðsins. Ef upplýsingar um iðgjöld vantar á yfirlitið er mikilvægt að launþegi tilkynni það til lífeyrissjóðsins, með framlagningu launaseðla innan 60 daga frá dagsetningu yfirlitsins. Komi athugasemd ekki fram frá launþega er lífeyrissjóðurinn einungis ábyrgur fyrir réttindum á grundvelli iðgjalda þessara að því marki sem þau fást greidd.

Aukaársfundur Festu 2026

Aukaársfundur sjóðsins verður haldinn miðvikudaginn 4. nóvember n.k., kl. 18:00 á Grand hótel, Reykjavík. Dagskrá fundar er eftirfarandi: 

1. 1.  Fundargerð síðasta ársfundar 
2. 2.  Kynning á samrunasamningi Festu lífeyrissjóðs og Gildis lífeyrissjóðs 
3. 3.  Kynning tryggingastærðfræðings Festu á tryggingafræðilegum áhrifum sameiningarinnar 
4. 4.  Kynning á samþykktum sameinaðs sjóðs og breytingar frá núgildandi samþykktum Festu 
5. 5.  Kosning um sameiningu Festu lífeyrissjóðs við Gildi lífeyrissjóð 
6. 6.  Önnur mál 

Gögn fundarins má nálgast hérna:

Fundargerð ársfundar Festu lífeyrissjóðs 2026

Samrunasamningur Festu og Gildis

Nýjar samþykktatillögur bornar saman við gildandi samþykktir Festu - Heildarskjal

Nýjar samþykktatillögur bornir saman við gildandi samþykktir Festu - Kynning

Frekari upplýsingar um samrunaviðræður sjóðanna má einnig nálgast á eftirfarandi slóð: www.gildiogfesta.is  

Fundinum verður jafnframt streymt fyrir hinn almenna sjóðfélaga. Hægt verður að nálgast slóð á streymi á vefsíðu Festu á fundardegi. 

02.10.2026

frá lífeyrismál.is

Fyrirlestur um grunnlífeyri og umbætur á sænska lífeyriskerfinu

Fyrirlestur á vegum PRICE um grunnlífeyri og umbætur á sænska lífeyriskerfinu.

Fulltrúaráðsfundur Festu lífeyrissjóðs að hausti

Fulltrúaráðsfundur Festu lífeyrissjóðs verður haldinn fimmtudaginn 8. október nk. kl. 18 á Grand Hótel Reykjavík.

Fundurinn er opinn öllum sjóðfélögum. Dagskrá fundar er eftirfarandi:

1. 1.Kynning á afkomu sjóðsins og framvindu fjárfestingarstefnu

   2.Kynning á samrunasamningi Festu og Gildis og breytingum á samþykktum

   3.Kynning tryggingastærðfræðings Festu á tryggingafræðilegum áhrifum sameiningarinnar

   4.Önnur mál

18.09.2026

frá lífeyrismál.is

Eru íslenskir lífeyrissjóðir of dýrir?

Margt bendir til þess að kostnaður vegna íslenskra lífeyrissjóða sé ekki hár í alþjóðlegum samanburði.

04.09.2026

frá lífeyrismál.is

Þöllin á þorpinu

Stjórnarmaður í LL skrifar um skipan stjórna lífeyrissjóða.

Samrunasamningur Gildis og Festu undirritaður

Stjórnir Gildis-lífeyrissjóðs og Festu lífeyrissjóðs hafa samþykkt samning um sameiningu lífeyrissjóðanna og var samningurinn undirritaður í dag.  Samningurinn verður lagður fyrir aukaársfundi beggja sjóða til staðfestingar í byrjun nóvember nk. Aukaársfundur Festu er áætlaður miðvikudaginn 4. nóvember nk. og aukaársfundur Gildis fimmtudaginn 5. nóvember. Fundirnir verða boðaðir formlega síðar í samræmi við samþykktir sjóðanna.

Gangi sameiningin eftir verður til sjóður, sá næststærsti á landinu, með um 1.600 milljarða króna í eignum miðað við stöðu sjóðanna í árslok 2025. Sameinaður sjóður verður jafnframt sá fjölmennasti á landinu en samtals eiga um 285 þúsund sjóðfélagar réttindi hjá Gildi og um 116 þúsund hjá Festu.

Formlegar viðræður um mögulega sameiningu Gildis og Festu hófust í byrjun júní. Sameiginlegt mat stjórna sjóðanna er að sameiningin geti skapað margvíslegan ávinning fyrir sjóðfélaga beggja sjóða. Ávinningurinn felst meðal annars í aukinni stærðarhagkvæmni, sterkari rekstrargrundvelli, öflugri þjónustu við sjóðfélaga og auknum burðum til tæknilegrar og stafrænnar þróunar. Að mati stjórna sjóðanna getur sameiningin skapað betri forsendur til langtímaávöxtunar og styrkt getu sameinaðs sjóðs til að tryggja hagsmuni og þjónustu við sjóðfélaga til framtíðar.

Sjóðirnir eru um margt sambærilegir, meðal annars hvað varðar sjóðfélagahópa, réttindakerfi og tryggingafræðilegar forsendur. Þessi líkindi skapa hagstæð skilyrði fyrir farsæla samþættingu og auka líkur á að sá ávinningur sem stefnt er að með sameiningunni skili sér til sjóðfélaga.

Fyrir hönd Gildis undirrituðu samninginn Perla Ösp Ásgeirsdóttir, formaður stjórnar, og Bjarnheiður Hallsdóttir stjórnarmaður. Fyrir hönd Festu undirrituðu samninginn þau Silja Eyrún Steingrímsdóttir, formaður stjórnar og Halldór Kristinsson varaformaður. Viðstaddir voru einnig Davíð Rúdólfsson framkvæmdastjóri Gildis og Gylfi Jónasson framkvæmdastjóri Festu.

Meðfylgjandi mynd var tekin þegar skrifað var undir samrunasamninginn fyrr í dag.

28.08.2026

frá lífeyrismál.is

PRICE - Fyrirlestrar um lífeyrismál og umönnun aldraðra

Fyrirlestrar á vegum PRICE um lífeyrismál og umönnun aldraðra.