23.04.2025

frá lífeyrismál.is

Aðalfundur Landssamtaka lífeyrissjóða 2025

Verður haldinn þriðjudaginn 27. maí kl. 11:00 á Grand hótel í Reykjavík.

23.04.2025

frá lífeyrismál.is

Undirbúningsnámskeið fyrir hæfismat

Námskeiðið fer fram daganna 20.-23. maí 2025.

22.04.2025

frá lífeyrismál.is

Notkun gervigreindar á fjármálamarkaði

Ath. breytt staðsetning. Fundurinn verður í Hyl, jarðhæð í Húsi atvinnulífsins, Borgartúni 35.

Ársfundur Festu lífeyrissjóðs

Ársfundur Festu lífeyrissjóðs verður haldinn mánudaginn 5. maí nk. kl. 18 á Grand Hótel Reykjavík.

Dagskrá fundarins:

1) Venjuleg ársfundarstörf
2) Tillögur til breytinga á samþykktum sjóðsins
3) Önnur mál

Sjóðfélagar og lífeyrisþegar sjóðsins eiga rétt til setu á ársfundinum. Hægt er að fylgjast með fundinum í beinu streymi meðan á honum stendur. Þeir sjóðfélagar sem hyggjast nýta sér það eru beðnir um að skrá sig á festa@festa.is í síðasta lagi kl. 12 á fundardegi og fá þá uppgefna slóð til að tengjast.

Sjá hér að neðan tengla á fundargögn fundar:

Ársskýrsla Festu lífeyrissjóðs 2024

Starfskjarastefna Festu lífeyrissjóðs 2025

Tillögur stjórnar til breytinga á samþykktum sjóðsins

Tillögur Verkalýðsfélags Grindavíkur

Fundargerð ársfundar 2024

Sjóðfélagayfirlit

Sjóðfélagayfirlit hafa nú birst öllum sjóðfélögum inná bæði sjóðfélagvefnum hjá Festa.is og einnig inn á Island.is. Birtast þau rafrænt hér eftir 2 sinnum á ári. 

Við hvetjum sjóðfélaga til að bera saman iðgjaldagreiðslur á sjóðfélagayfirliti við greidd iðgjöld samkvæmt launaseðlum. Til þess að iðgjöld launþega njóti ábyrgðar Ábyrgðarsjóðs launa við gjaldþrot skulu launþegar, innan 60 daga frá dagsetningu yfirlitsins, ganga úr skugga um skil vinnuveitenda til lífeyrissjóðsins. Ef upplýsingar um iðgjöld vantar á yfirlitið er mikilvægt að launþegi tilkynni það til lífeyrissjóðsins, með framlagningu launaseðla innan 60 daga frá dagsetningu yfirlitsins. Komi athugasemd ekki fram frá launþega er lífeyrissjóðurinn einungis ábyrgur fyrir réttindum á grundvelli iðgjalda þessara að því marki sem þau fást greidd.

Ársuppgjör Festu lífeyrissjóðs 2024

Stjórn Festu lífeyrissjóðs hefur samþykkt ársreikning sjóðsins fyrir árið 2024. Til upplýsinga fyrir sjóðfélaga verða hér birtar helstu niðurstöðutölur ársreikningsins. Ársreikningurinn mun verða birtur í heild sinni á heimasíðu sjóðsins í aðdraganda ársfundar sjóðsins sem fyrirhugað er að halda 5. maí nk. 
 
Fjöldi sjóðfélaga sem greiddu iðgjöld á árinu 2024 voru samtals 20.223. Fjöldi sjóðfélaga með réttindi í árslok 2024 var 113.401. Launagreiðendur voru 3.128. 
 
Iðgjöld til sjóðsins námu tæplega 17 milljörðum króna og hækkuðu um 9,1% frá árinu 2023. 
 
Lífeyrisgreiðslur á árinu námu rúmlega 8,3 milljörðum króna og hækkuðu um 12,8% frá fyrra ári. Heildarfjöldi lífeyrisþega var 12.764 en þeim fjölgaði um tæp 9% á árinu. 
 
Hrein eign sjóðsins í árslok 2024 var samtals tæplega 320 milljarðar króna og jókst um 14,2% frá fyrra ári eða um tæpa 39,8 milljarða króna. Hrein eign samtryggingardeildar nam rúmlega 318 milljörðum króna og séreignardeilda tæplega 1,9 milljarði króna. 

Hrein nafnávöxtun samtryggingardeildar sjóðsins var jákvæð um 10,6% og hrein raunávöxtun var jákvæð um 5,6%, en verðbólga mældist 4,8% yfir árið. Tryggingafræðileg staða samtryggingardeildar var jákvæð, en eignir voru 0,2% umfram skuldbindingar sjóðsins í árslok 2024. 

Hrein nafnávöxtun sparnaðarleiðar 1, var jákvæð um 8,8% og hrein raunávöxtun var jákvæð um 3,8%. Hrein nafnávöxtun sparnaðarleiðar 2, var jákvæð um 14,4% og hrein raunávöxtun var jákvæð um 9,2%.  
 
Eins og að framan greinir er fyrirhugað að halda ársfund sjóðsins 5. maí nk. Dagskrá fundarins verður auglýst á heimasíðu sjóðsins og í dagblöðum. 

21.03.2025

frá lífeyrismál.is

Verðmæti lífeyrisréttinda og starfslok

LL stóð fyrir málstofu í samstarfi við Mannauð, félag mannauðsfólks á Íslandi, þann 27. nóvember 2024.

Tillögur að uppgjöri vegna ÍL-Sjóðs lagðar fram

Ráðgjafar 18 lífeyrissjóða og viðræðunefnd fjárlaga- og efnahagsráðherra hafa komist að niðurstöðu um að leggja fyrir fund skuldabréfaeigenda tillögu að uppgjöri HFF-bréfa sem greiða mun fyrir slitum ÍL-sjóðs. Í tillögunum felst að kröfur verða efndar með afhendingu ríkisskuldabréfa, annarra verðbréfa og reiðufjár í gjaldeyri og íslenskum krónum. Með þessu verður ÍL-sjóði gert kleift að standa við skuldbindingar sínar gagnvart eigendum HFF-bréfanna og öðrum kröfuhöfum.

Tillögur ráðgjafa og viðræðunefndar verða lagðar fyrir fund skuldabréfaeigenda til samþykktar, en samþykki 75% kröfuhafa þarf til. Reiknað er með að sá fundur fari fram í apríl. Verði tillögurnar samþykktar mun fjármála- og efnahagsráðherra í framhaldi sækja heimild til Alþingis til að ljúka uppgjörinu með frumvarpi til fjáraukalaga.

Með þessum tillögum skapast grundvöllur til að ljúka langvinnu úrlausnarefni ríkissjóðs en viðræður um málið hafa staðið yfir í rúmlega eitt ár. 

Kröfur samkvæmt HFF-bréfum í uppgjörinu nema 651,4 milljörðum króna og samkvæmt tillögum ráðgjafa og viðræðunefndar mun ÍL-sjóður og íslenska ríkið afhenda kröfuhöfum verðtryggð og óverðtryggð ríkisskuldabréf að upphæð 540,4 milljarða króna, önnur verðbréf að verðmæti 38 milljarða króna, reiðufé í gjaldeyri að verðmæti 55 milljarða króna og 18 milljarða í íslenskum krónum.