Niðurstaða aukaársfundar Festu 2026

Aukaársfundur Festu lífeyrissjóðs var haldinn miðvikudaginn 4. nóvember s.l. á Grand Hótel Reykjavík. Meginefni aukaársfundar var kynning á samrunasamningi Festu og Gildis lífeyrissjóðs. Jafnframt voru kynnt tryggingafræðileg áhrif sameiningar og áhrif sameiningar á núverandi samþykktir Festu lífeyrissjóðs.

Að loknum kynningum var gengið til atkvæðagreiðslu um samrunasamninginn og var hann samþykktur með miklum meirihluta atkvæða. 

Samrunasamningurinn verður jafnframt lagður fyrir aukaársfund Gildis í dag, 5. nóvember. Verði hann samþykktur tekur við staðfestingarferli hjá fjármála- og efnahagsráðuneytinu og Samkeppniseftirlitinu. Stefnt er að því að sameiningin taki gildi um áramót.

Sameiningin kallar ekki á neinar aðgerðir af hálfu sjóðfélaga. Upplýsingar um sameininguna og svör við algengum spurningum má finna á vefslóðinni www.gildiogfesta.is ásamt því að fundargögn aukaársfundar Festu eru aðgengileg á vef sjóðsins. 

Streymi vegna aukaársfundar Festu lífeyrissjóðs

Aukaársfundur Festu lífeyrissjóðs verður haldin í dag , 4.nóvember kl 18:00 á Grand Hótel.

Einnig er hægt að fylgjast með fundinum í streymi á eftirfarandi hlekk:

https://youtube.com/live/jtn4kDewWkA?feature=share

Lokað vegna starfsmannafundar

Föstudaginn 30.október verða allar skrifstofur sjóðsins lokaðar vegna starfsmannafundar.

Opnum aftur mánudaginn 2.nóvember. Alltaf hægt að senda tölvupóst á festa@festa.is og við svörum við fyrsta tækifæri.

On Friday, October 30th, all of the fund’s offices will be closed for staff meetings.

We will reopen on Monday, November 2nd. You can always send an email to festa@festa.is , and we will respond as soon as possible.

20.10.2026

frá lífeyrismál.is

Íslenska lífeyriskerfið áfram meðal þeirra bestu í heimi

Ísland er í þriðja sæti í alþjóðlegum samanburði Mercer lífeyrisvísitölunnar árið 2026.

Sjóðfélagayfirlit

Sjóðfélagayfirlit hafa verið birt öllum sjóðfélögum bæði inná sjóðfélagvefnum hjá Festa.is og einnig inn á Island.is. Birtast þau rafrænt 2 sinnum á ári. 

Við hvetjum sjóðfélaga til að bera saman iðgjaldagreiðslur á sjóðfélagayfirliti við greidd iðgjöld samkvæmt launaseðlum. Til þess að iðgjöld launþega njóti ábyrgðar Ábyrgðarsjóðs launa við gjaldþrot skulu launþegar, innan 60 daga frá dagsetningu yfirlitsins, ganga úr skugga um skil vinnuveitenda til lífeyrissjóðsins. Ef upplýsingar um iðgjöld vantar á yfirlitið er mikilvægt að launþegi tilkynni það til lífeyrissjóðsins, með framlagningu launaseðla innan 60 daga frá dagsetningu yfirlitsins. Komi athugasemd ekki fram frá launþega er lífeyrissjóðurinn einungis ábyrgur fyrir réttindum á grundvelli iðgjalda þessara að því marki sem þau fást greidd.

Aukaársfundur Festu 2026

Aukaársfundur sjóðsins verður haldinn miðvikudaginn 4. nóvember n.k., kl. 18:00 á Grand hótel, Reykjavík. Dagskrá fundar er eftirfarandi: 

1. 1.  Fundargerð síðasta ársfundar 
2. 2.  Kynning á samrunasamningi Festu lífeyrissjóðs og Gildis lífeyrissjóðs 
3. 3.  Kynning tryggingastærðfræðings Festu á tryggingafræðilegum áhrifum sameiningarinnar 
4. 4.  Kynning á samþykktum sameinaðs sjóðs og breytingar frá núgildandi samþykktum Festu 
5. 5.  Kosning um sameiningu Festu lífeyrissjóðs við Gildi lífeyrissjóð 
6. 6.  Önnur mál 

Gögn fundarins má nálgast hérna:

Fundargerð ársfundar Festu lífeyrissjóðs 2026

Samrunasamningur Festu og Gildis

Nýjar samþykktatillögur bornar saman við gildandi samþykktir Festu - Heildarskjal

Nýjar samþykktatillögur bornir saman við gildandi samþykktir Festu - Kynning

Frekari upplýsingar um samrunaviðræður sjóðanna má einnig nálgast á eftirfarandi slóð: www.gildiogfesta.is  

Fundinum verður jafnframt streymt fyrir hinn almenna sjóðfélaga. Hægt verður að nálgast slóð á streymi á vefsíðu Festu á fundardegi. 

02.10.2026

frá lífeyrismál.is

Fyrirlestur um grunnlífeyri og umbætur á sænska lífeyriskerfinu

Fyrirlestur á vegum PRICE um grunnlífeyri og umbætur á sænska lífeyriskerfinu.

Fulltrúaráðsfundur Festu lífeyrissjóðs að hausti

Fulltrúaráðsfundur Festu lífeyrissjóðs verður haldinn fimmtudaginn 8. október nk. kl. 18 á Grand Hótel Reykjavík.

Fundurinn er opinn öllum sjóðfélögum. Dagskrá fundar er eftirfarandi:

1. 1.Kynning á afkomu sjóðsins og framvindu fjárfestingarstefnu

   2.Kynning á samrunasamningi Festu og Gildis og breytingum á samþykktum

   3.Kynning tryggingastærðfræðings Festu á tryggingafræðilegum áhrifum sameiningarinnar

   4.Önnur mál